Blue Circle | إدارة الســكــري

طريقك لضبط السكر - سكرك طبيعى

yt facebook

آخر المقالات

الأربعاء، فبراير 28، 2018

فيتامين د - دراسة - وبيان أهميه ضبط مستوياته في الدم وأثرها علي ضبط سكر الدم


vit-D


دراسه جديده تنضم لقائمه طويله من فوائد


فيتامين -  ' د ' 

 D ' Vitamin '

وبيان أهميه  ضبط مستوياته في  الدم وأثرها علي  ضبط سكر الدم 

 الدراسه تابعت طفلين حديثي التشخيص بالسكر نوع اول في ايطاليا وتابعتهم بعد الخروج من المستشفي وبدء علاج الانسولين وانتظام السكر علي العلاج , بدأوا بعدها علاج مكثف من فيتامين د و الاوميجا 3 لتحديد اثرهم علي السكر - الاثر المضاد للالتهابات والمنظم المناعي ليهم تحديدا  . الأطباء نجحوا في تقليل الجرعات بشكل كبير لدرجه الطفلين حاليا فقط علي اقل نسبه قاعدي بالنسبه للوزن وبدون أنسولين وجبات  تساوى  بالتعريف الطبي كأنهم دخاوا مرحله 📌 شهر عسل مازالت مستمره لمده سنتين حتي نشر الورقه البحثيه 


📌 الطفل الاول 

ذكر 
7 سنوات 
تراكمي التشخيص 9.8 
سي بيبتايد التشخيص 0.5

📌 الطفل الثاني 

ذكر 
7 سنوات 
تراكمي التشخيص 11.1
سي بيبتايد التشخيص 0.3

قبل بدا علاج 📌  فيتامين د كان الأثنان مشخصين بنقص في فيتامين د اي نسبه تحت  30 

  📌  بعد بدأ العلاج 
  • اثر📌  فيتامين د  كان من اول يوم في تقليل احتياجات الانسولين 
  • اثر📌 اوميجا 3 اكتمل خلال اول 3 شهور 
☑ تم ملاحظه تكرار الهبوط مع الجرعات المعتاده خصوصا بعد الوجبات وبداوا تقليل الجرعات تدريجيا حتي اصبح الطفلين لا يحتاجو جرعات مع الوجبات  
☑ لم يتم تسجيل ارتفاع سكر الا مع وجبات عاليه الكارب زي بيتزا مثلا والارتغاع صححه الجسم خلال ساعات قليله بعد الاكل بدون جرعه تصحيح 
☑ تم تسجيل ارتفاعات طفيفه ايام المرض الشديد مع  طفل منهم والثاني يوم اجراء عمليه استئصال اللوز وتم تعديل جرعات القاعدي فقط يومها 



📌 جرعات القاعدي انخفضت حتي سجلت اقل مستوي وهو 0.1 وحده لكل كجم وزن 
  • جرعات فيتامين د كانت 1000 وحده دوليه يوميا 
  • جرعات اوميجا 3 كانت 50-60 مج لكل كج وزن مع مراعاة المدخول الغذائي منه ايضا مع تنبيه بتعديل الجرعات اوقات العمليات او اي تعرض للاصابه للخوف من اثره الجانبي علي التجلط و لم تسجل اي مشكله بخصوص التخوف ده 
 📌 بعد سنتين من المتابعه , ارتفعت مستويات السي بيبتايد قليلا 
  • التراكمي شبه ثابت في مدي 6%
  • فيتامين د تحسن مستواه ولم يتعدي 46
 📌 نصيحه اخويه
  • تحليل فيتامين د يا جماعه اتصرفوا باي شكل واعملوه.. نقصه وارد بنسب كبيره جدا مع السكريين
  • غالي معلش بس الزامي ولو مره نعمله سنويا.. لو عندنا نقص فيه يبقي بعد كورس الدوا لازم يتعاد نتاكد ان بدانا نعلي
  • نقص فيتامين د والبهدله اللي، بيعملها في الجسم لا تتخيلوها
  • صدقوا شكوي ولادكم لما يقولوا عضمي مكسر يا ماما ..الالم فعلا كده.. لا هيرتاحوا في نوم ولا لعب ولا جلوس..
  • وبيبهدل معاه هرمونات تانيه كتير
 📌 يوجد عوامل كتير بتحكم امتصاص الجسم لفيتامين د طبيعي في حياتنا اليوميه 


  • لون درجات البشره ودرجات تصبغها -الميلانين هو المحدِّد الأساسي للون البشرة- الميلانين يمنع جزء كبير من الاشعه الفوق بنفسجيه لذلك  كلما زاد اسمرار البشره  يحتاج  الجلد وقت اطول تحت الشمس
  • استخدام واقي الشمس او sun block  بيمنع امتصاص الجلد لاشعه الشمس او الاشعه الفوق بنفسجيه تحديدا اللي هي بتحفز انتاج فيتامين د في الجلد 
  • التلوث بيعكس اشعه الشمس 
📌 عدم التعرض المباشر للاشعه كمفهوم خطأ.  الشمس مجرد دخولها الغرفه من خلال  الزجاج يكون كافي 
☑ وجود سمنه بيعرضنا لزياده النقص في  فيتامين د , زياده دهون الجسم  بيخلي فيتامين د يتخزن في دهون الجسم لانه فيتامين له قابليه الذوبان في الدهون ..بدل من بقاءه في الدم ويستفيد بيه باقي انسجه الجسم , وجود نقص بسبب جينات وراثيه وهنا نحتاج لجرعات اكبر من المعتاد 


👪 ربنا يحميهم ويبعد عنهم كل شر ! 

  📌 التحاليل المطلوبة لحاﻻت نقص فيتامين د

  1. serum 25-OHD
  2.  serum phosphorus
  3.  [ serum calcium  [ total and ionized

 بعض الاطباء مازال يتبع  جرعة   حسب السن بتتقاس بحاجة اسمها RDA recommended daily allowance 
  • دي اخر تجديد ليها سنة 2010  
  • من 1 سنة لحد 70 سنة : 600 وحدة دولية
  • اكتر من 70 سنة: 800 
 Endocrine Society
 رابطه اطباء الغدد الصماء 
  •  400- 1000 وحده دوليه للرضع 
  • 600-1000 وحده دوليه للاطفال 
  • 1500-2000 للبالغين 
 Vitamin D Council

 📌 مجموعة اطباء متبنيه نظرية ارتباط فيتامين د ونقصه بامراض عديده وفعلا ده حاصل في كل امراض المناعه الذاتيه وامراض اخري وبدايه حدوث متلازمه مقاومه الانسولين وغيرها, لذلك حدهم .

  • 1000 وحده دوليه للرضع 
  • الاطفال 1000 لكل  25 باوند
  •  للبالغين  5000 وحده دوليه

 قراءه مهمه في فيتامين د 

 ☑ اماكن مقترحه لعمل تحليل فيتامين د بأسعار مخفضه  - اماكن تحليل فيتامين د ومدي تقريبي للاسعار 
📌 منشورنا على صفحتنا فيسبوك   



BlueCircleApp

مصادر : 

Administration of vitamin D and high dose of omega 3 to sustain remission of type 1 diabetes


Scan QR to open link

أتصل بنا | حقوق النشر | المصادر | سياسة الخصوصية
© 2014 - 2020
WWW.EDART-ALSUKKARY.COM



Google+