Blue Circle | إدارة الســكــري

طريقك لضبط السكر - سكرك طبيعى

yt facebook

آخر المقالات

السبت، مايو 26، 2018

ما هي أعراض السكري . بنوعيه 1 - 2




أعراض السكري


الأعراض التلاته المعروفه زي زياده التبول والعطش والجوع . في السكر النوع الاول ممكن انه تتطور الاعراض دي بسرعه في ظرف اسابيع او شهور , وخصوصن فـ الاطفال . لكن في السكر النوع التاني بيكون ظهور الاعراض دي أبطأ واحيانن مش ملحوظه او مش موجوده . السكر النوع الاول ممكن يسبب خسسان سريع (رغم ان المريض اكله عادي) , مع اجهاد مبيروحش . الاعراض دي كلها - ماعدا الخسسان - ممكن برضوا تبان في السكر النوع التاني اللي مش متظبط .
زياده الجلوكوز في الدم عن الطبيعي بيخليه صعب علي الكليه انها تعيد امتصاصه وبالتالي بيعلي الضغط الاسموزي للبول واللي بيمنع اعاده امتصاص الميه هيا كمان من الكليه فيبدا المريض يزيد تبوله ودا بيعمل جفاف وعطش بالتالي .
استمرار ارتفاع الجلوكوز في الدم بيعمل تغييرات في شكل عدسة العين وبالتالي مشاكل في الرؤيه; متابعه تظبيط السكر بيرجعها تاني لشكلها الطبيعي . زغلله العين برضه من المشاكل الشايعه عشان كده لو فيه تغييرات سريعه في النظر لازم يكون فيه توقع للسكر النوع الاول . في السكر النوع التاني بتكون تغييرات الرؤيه تدريجيه لكن برضه متوقعه .
مع السكر النوع الاول بيحصل زياده في اجسام الكيتون بتعمل زياده في التبول مع تنفس سريع وعميق , غممان نفس او ترجيع مع مغص في البطن وممكن توصل للتوهان او الدروخه او التصرف بعدوانيه او الهلوسه ) ولو الحاله شديده بتوصل للغيبوبه وبعدين الوفاه . ودي من الحالات الطارئه اللي بتحتاج اسعاف .


نشكركم علي حسن متابعتكم - لا تنسي الأشتراك بصفحات التواصل الأجتماعي ، لتصلكم أخر الأخبار السكرى - المقالات - الأرشادات أولاً بأول من موقعك 





أحصل على التحديثات عبر البريد الإلكتروني من
Blue Circle - إدارة السكري


المرجع . http://www.diabetesbluecircle.org/
http://content.nejm.org/cgi/content/full/356/15/1499

Scan QR to open link

أتصل بنا | حقوق النشر | المصادر | سياسة الخصوصية
© 2014 - 2020
WWW.EDART-ALSUKKARY.COM



Google+