الطفل السكري و مناقشات مهمه للأهالي قبل بدء الدراسة

✿ المفروض من قبل دخول المدارس بشهر أو اسبوعين نبدأ في تنظيم نوم الطفل وتعديل جرعات الاننسولين القاعدي ومواعيد الاستيقاظ و وجبه الافطار وذلك لاختبار المعاملات وان كانت محتاجه تعديل 
✿ التواصل مع اداره المدرسه والمعني بالمتابعه الطبيه للطفل في المدرسه لمناقشه اي معلومه مهمه بخصوص علاج الطفل ومتابعته اليوميه وكيفيه تنظيم مواعيد الاكل و الاشتراك في النشاطات اليوميه المدرسيه 
✿ لا يوجد بديل عن متابعه الطفل في المدرسه اما ان توفر المدرسه ذلك او توفريه انتي كأم ..لكن ممنوع يفضل طفل بدون متابعه سكره كل هذه الساعات الطويله 
 ✿في المدرسه يتساب علبه فيها عصير وبسكوت ومكعبات سكر او جل جلوكوز 
شنطه الطفل فيها علبتين عصير للطواريء في مشوار الباص رايح وجاي ومشرفه للباص تكون عارفه مكانهم
✿ علشان ما يحصلش مفاجاة..ماتعتمدوش ان الطبيب ولا الممرضه يكون ملم بالتعامل مع الهبوط والعلو او اي تفصيله 
نروح قبلها واحنا ندي التعليمات ونعرف الناس ونشوف مين هيحلل او يدي جرعه وكل واي حد يتعامل مع الطفل من مدرسين المباشرين لفصله.. مشرفه الباص.. مدرسه الالعاب او الانشطة والاخصائي الاجتماعي.. دول محتاجين يعرفوا التعامل ازاي في الهبوط والعلو

✿⊰ بالنسبه لدخول المدارس وانواع الانسولين والمتابعه ⊱✿

✿ ايا كان اختيارك في نوع الانسولين سواء الاستمرار علي نفس النوع او تغييره = لازم تجرب قبل المدرسه  المعامالات في نفس توقيتات صحيان واكل المدرسه لتقليل اللخبطه مع اول المدارس

✿ المتابعه للطفل الغير مدرك ولا بيعطي نفسه انسولين او بيحلل لنفسه وفاهم بيعمل ايه =  اجباريه  دي حلول الشخص يوفقها حسب ظروفه
▬ سواء طبيب او تمريض في المدرسه 
▬ حضرتك الام او الأب
▬ الاتفاق مع  مشرفه او معلمه  وتدريبهم
▬ الأتفاق  مع صيدليه قريبه  وحد يروح له في اوقات  معينه يحلل ويددي  جررعه لو احتاج الامر 

✿ البديل ان طفل لا يتابع وقت المدرسه او مانديش جرعه علشان مافيش حد يعمل كده = غلط وخطر كبير
▬ عدم زبط سكر لمده 5 ايام نصف اليوم تقريبا لعده شهور !
▬ ضرر نفسي لانك بتقلل من كميات واختيارات وتوقيتات  الاكل لتفادي الجرعات وهو بيقارن نفسه بغيره 

✿ لو هو علي انسولين سريع وبتفكر تحول الي اكترابيد لتغطيه يوم المدرسه كامل 
▬ اكترابيد هتديه مع الافطار في المنزل يعني 5:30-7 حسب معاد مدرستك 
▬ ثم اكل بعد نصف ساعه لو سكرنا مزبوط
▬ عندنا تحليل اجباري الساعه 8-9:30 اي بعد الاكل بساعتين   ولو السكر مزبوط = لازم وجبه لان الجرعه لسه شغاله علي الاقل كمان ساعتين 
▬ الجرعه تنتهي 10-12 علي اقصي تقدير = معاد الفسحه والوجبه الاصليه لا يوجد انسولين يغطيه للاسف !
▬ لو عندك حد في المدرسه يدي الجرعه وهياخد اكترابيد لما يروح المدرسه ويفطر هناك = من باب اولي تستمر علي السريع 
لو بردو هتغير يبقي قسم اليوم الدراسي كما تم شرحه وشوف هتقدر توفق مواعيد الاكل ام لا مع اكترابيد 

✿ لو حضرتك اصلا لا تعرف معاملات ولا تحسب اكل = ابتدي اقرا واتعلم 

✿ لو حضرتك اصلا لا تحسب ولا تتابع سكر الطفل في المدرسه يبقي للأسف لا نجد وسيله للمساعده تفيدك 

✿ بالنسبه للوجبات المناسبه واللي لا ترفع السكر =
للاسف كل طفل مختلف 
في طفل بيحتاج جرعه لو اكل حبه خيار وفي طفل ممكن ياكل ساندوتش كامل بدون جرعه 
لذلك وجب التنبيه عند تطبيق اي اقتراح لوجبه من ام فاضله 

ربنا يحرس اطفالنا جميعا ويسخر لهم من يساعدهم و يبعد عنهم كل شر

طبعا متفقين ان لازم الطفل الغير مدرك لمتابعه نفسه او اخد جرعته حسب تحليله وكميه اكله..مهم نوفر ليه متابعه في المدرسه ..سواء طبيبه او ممرضه او حد في المدرسه ..او حضراتكم كأهله ..او اتفاق مع صيدليه قريبه ..او اي وسيله تناسبكم..لكن الثابت لازم متابعه 

 ✿⊰دور المدرسه :
اولا مسموح بالتطيمات كلها مالم ينص طبيبك علي غير ذلك 
المتعاملين مع الطفل من تدريس او اشراف او الباص ..لازم يبقوا عارفين حالته الصحيه .. توضيح لاعراض الهبوط والارتفاع ..المسموح والممنوع ليه في الاكل والانشطه .
التأكيد عليهم بالاعراض اللي ممكن تصاحب الهبوط من تغير سلوك ورغبه في النوم والعصبيه والجوع والدوخه والسماح فورا بقياس السكر والتعامل مع الهبوط
التأكيد علي اعراض الارتفاع ومايصاحبها من كثره التردد علي التواليت والسماح للطفل بذلك والسماح بشرب المياه .
التأكيد علي عدم السماح بالرياضه لو السكر مرتفع ٢٥٠ مع اسيتون..واحتياطي نمنع لو بدون اسيتون او مافيش شرايط اسيتون في المدرسه او صعب عمل تحليله 
يكون محطوط روتين واضح من اول يوم لمواعيد التحاليل والاكل والتعامل ازاي والتواصل معاكم امتي 
روتين واضح للتعامل مع الهبوط وامتي يبقي امان يرجع تاني للفصل بعد ارتفاع سكره وثباته
توضيح ان ايام الامتحانات ممكن يحتاج روتين مختلف والزامي التحليل قبل دخول الامتحان بوقت مناسب 
✿⊰ دورك كأم 
تكوني  عارفه معاملات الطفل ومجهزه اكل معلوم حسابه مسبقا ومكتوب عليه
مجهزه جدول للتحليل حسب مواعيد اليوم الدراسي /البريك/الباص/حصه النشاط الرياضي /مواعيد امتحانات 
مجهزه سناك وعصاير للتعامل مع الهبوط في المدرسه ..في مكتب الطبيب..الفصل..حجره التربيه الرياضيه ..شنطه المدرسه وتكون مشرفه الباص عارفه مكانه 
مجهزه ورق واضح هياخد جرعه كام لكل نقطه او كارب..متوضح جرعه التصحيح ..امتي يتعمل تصحيح ...متوضح التغامل مع الهبوط ازاي ...امتي يتصلوا بيكي ..امتي يتعاملوا طوارئ
مجهزه علبه شرايط ..قلم انسولين احتياطي وسنون وماسحات كحوليه وحقنه الجلوكاجون ..التأكيد علي حفظ الإنسولين في التلاجه 
التاكيد علي تغيير القلم كل ٢٨ يوم بعد فتحه او حسب تعليمات النوع المستخدم+تغيير السن المفروض كل مره استخدام او حسب ما تتفقوا+علبه الشرايط بعد فتحها صلاحيتها ٣ شهور او حسب ما تنص نشرتها
تعليم المختص بمتابعته كيفيه عمل تحليل السكر صح+تغيير القلم وتحضيره قبل كل جرعه بضرب وحدتين في الهوا نتاكد انه سليم + كيفيه اعطاء الجرعه في مكان سليم بطريقه مزبوطه + التعامل مع الهبوط 
التدريب علي كيفيه اعطاء الجلوكاجون 

✿⊰صندوق علاج الهبوط ⊱✿
يكون في الفصل +مكتب الطبيب+غرفه التربيه الرياضيه 

يكون فيه عبوات عصير +اقراص جلوكوز او الجل +حقنه الجلوكاجون +بسكوت+بونبون طري +اكياس سكر ابيض +عبوات مربي 

رقم تحت ٧٠ نلجأ لسكريات صريحه
٧٠-٩٠ بسكوت او اكل من لانش بوكس بتاعه حسب قرارك وقتها

شنطه المدرسه يبقي فيها عصير واكياس سكر والمشرفه الباص عارفه طريقهم لاي طارئ في طريق المدرسه 

✿⊰نحلل امتي في المدرسه ؟ ⊱✿
الجدول بيختلف حسب عوامل كتير وعمر الطفل ونوع الانسولين 
بس بصفه عامه ..ماناخدش جرعه بدون تحليل قبلها وبعدها بساعتين 

قبل التربيه الرياضيه 
قبل ركوب الباص لو رحلته طويله 
عند اي شك في اعراض ارتفاع او هبوط 
 اعمل ايه في اكل المدرسه وانهي نوع انسولين مناسب ؟
الاصل اتفقنا ان لازم متابعه..ساعتها كل الامور بتتحل 
طيب انهي نوع افضل ؟

دايما الانسولين السريع لانه الاقرب لعمل البنكرياس بيبقي هو الاختيار الافضل 

الناس اللي بتختار اكترابيد علشان تتجنب جرعه في المدرسه ..نخلي بالنا ان اكترابيد فعال فقط لمده ٥-ساعات..يعني بفرض بياخده في البيت الساعه ٧ يبقي ياكل ٧ونص..يحلل في المدرسه ٩ ونص وياكل تاني الزامي لو سكره مزبوط لان ده قمه عمل الانسولين..ومن بعد الساعه ١٢ هيكون اي اكل محتاج جرعه جديده 

 اول اسبوع او اسبوعين 
تعاملي في الجرعات بحذر شويه خصوصا لو مش متجربه في الوقت البدري ده ولا مع المجهود ده 

 نفسيه طفلك هيأيها من قبلها وعززي فيه قوته وانه حتي اختلافه فهو قوه 
خليه واثق من نفسه ويطلب حقه بحزم لو شك انه تعبان 
انه مايقبلش اي تنمر بخصوص صحته او روتين متابعته ويبلغ مدرسينه ويبلغك 
خليكي قويه وحاولي تجهزي كل حاجه علشان تقللي خوفك 

المدرسه نعمه ونقمه للطفل السكري ..شغلها علينا اكتر بس ربنا يعينا ويقوينا ..ويعينهم علي نفسهم وكل المغريات والضغوطات حواليهم 
خلي رحله السوبر ماركت يختار فيها اللي ياخده معاه بدل اعطاء مصروف ..عبشان تبقي عارفه جرعته 
هي ايام ..شهور ..هتعدي ..بحلوها وصعبها ..وانتم قدها 